Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova ka edhe 1650 të zhdukur, fati i të cilëve ende nuk është zbardhur. Pjesa dërrmuese e tyre janë shqiptarë, derisa sipas listave të Serbisë janë edhe disa serbë dhe pjesëtarë të pakicave të tjera në Kosovë, të cilët figurojnë si të pagjetur. Ibrahim Makolli, kryesues i delegacionit për bisedime në lidhje me të pagjeturit, ka thënë për “Zërin” se problemi më i madh në lidhje me të pagjeturit është mungesa e informatave, si dhe mungesa e gatishmërisë për të ofruar informata nga ana e palës serbe me vendndodhjen e të pagjeturve. Pala serbe, sipas Makollit, ka informacione për pjesën dërrmuese të të zhdukurve pasi gjatë periudhës së luftës janë arrestuar ose janë marrë nga forcat ushtarake shumë qytetarë të Kosovës dhe për fatin e tyre nuk dihet. “Kështu sot kemi mungesë vullneti për informacione për vendndodhjen e tyre”, ka thënë Makolli.
