Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror i Zgjedhjeve (KQZ) ka shpallur rezultatet përfundimtare të zgjedhjeve për Kuvendet Komunale në komunat e Kosovës, të mbajtura më 12 tetor 2025. Me 10 vota për, anëtarët e KQZ-së miratuan vendimin për certifikimin e rezultateve përfundimtare për Kuvendet Komunale dhe për kryetarët e komunave. Në fillim të mbledhjes, u mor vendim për shpalljen e rezultateve përfundimtare për kryetarët e Prishtinës, Junikut dhe Mamushës, pas konfirmimit nga PZAP se procesi i ankesave për këto komuna është përmbyllur. Po ashtu, KQZ certifikoi rezultatet përfundimtare të zgjedhjeve për kryetarë të 35 komunave të tjera, përfshirë Gjakovën, Pejën, Prizrenin, Mitrovicën e Jugut, Ferizajn, Skenderajn, Therandën, Rahovecin, Lipjanin dhe Vushtrrinë. Në vazhdim, u shpallën rezultatet përfundimtare për anëtarët e 37 Kuvendeve Komunale në të gjithë vendin, me përjashtim të Drenasit, për të cilin Gjykata Supreme ende nuk ka përfunduar shqyrtimin e një ankese. Ky vendim i KQZ-së shënon mbylljen zyrtare të procesit zgjedhor lokal në pjesën më të madhe të komunave të Kosovës, duke hapur rrugën për konstituimin e asambleve të reja komunale dhe fillimin e mandateve të reja qeverisëse.
