Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes së Kroacisë, Ivan Anushiq, ka thënë se një marrëveshje e përbashkët për blerje armatimi mund të realizohet vetëm mes Kroacisë dhe Shqipërisë, pasi të dyja janë anëtare të NATO-s. Duke komentuar idenë e përmendur nga ministri i Mbrojtjes së Kosovës për një bashkëpunim trepalësh me Shqipërinë dhe Kroacinë, Anushiq tha se Kosova ka kushte të ndryshme ligjore për blerjen e armëve dhe se formimi i një koalicioni të përbashkët është i vështirë. Në mars 2025, ministrat e Mbrojtjes të Shqipërisë, Kosovës dhe Kroacisë nënshkruan në Tiranë një deklaratë të përbashkët për thellimin e bashkëpunimit në fushën e mbrojtjes. Ministritë e Mbrojtjes të Kosovës dhe Shqipërisë konfirmuan më pas se grupe ekspertësh po punojnë për një plan zbatimi. Në Tiranë u mbajt edhe një takim teknik për ta detajuar planin në nivel operacional. Ministri në detyrë i Mbrojtjes së Kosovës, Ejup Maqedonci, kishte deklaruar se ideja është të bëhet një porosi e përbashkët për blerje armatimi, në vend të tre porosive të veçanta, duke përfituar nga çmimet dhe koha më e shkurtër e dorëzimit në rast të blerjeve më të mëdha nga SHBA. Blerjet parashihet të financohen me fonde kombëtare të secilit shtet.
