Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama priti sot në një takim kryeministrin bullgar, Boyko Borisov. Fillimisht, në ambientet e Kryeministrisë u zhvillua ceremoniali i pritjes zyrtare, ndërsa më pas dy kryeministrat vijuan takimin me dyer të mbyllura. Në konferencën e përbashkët me homologun e tij bullgar Boyko Borissov, kryeministri Rama e vlerësoi homologun e tij se ka bërë avokatin e Shqipërisë në rrugën e saj të integrimit. “Marrëdhënia me Bullgarinë është jashtëzakonisht pozitive. Borisov ka bërë avokatin e Shqipërisë në BE”, tha Rama. Ndërkohë, Boyko Borissov u shpreh se Shqipërisë duhet t’i jepet një datë dhe rrugë për fillimin e negociatave. “Merkel thotë se Ballkani Perëndimor është tema më e vështirë që mund të zgjidhet, por me rëndësi që të zgjidhet. Shqipërisë duhet t’i jepet një datë dhe rrugë për fillimin e negociatave. Tregojmë përpjekje që duhet t’i bindim shtetet skeptike deri në fund të qershorit”, tha Borissov.
