Kryetari Boshota u takua me përfaqësues të Ambasadës Amerikane në Kosovë

06/10/2016 Institucionet

Kryetari i Komunës së Klinës, Sokol Bashota ka pritur të enjten, përfaqësuesit e zyrës për bashkëpunim dhe mbrojtje pranë Ambasadës Amerikane në Kosovë të shoqëruar nga kryeshefja e ARDA-së dhe drejtoresha e AZHR-së Perëndim, me të cilët ka biseduar rreth mundësisë së bashkëfinancimit për renovimin e objektit shkollor të Gjimnazit “Luigj Gurakuqi” në Klinë. Bashkëbiseduesit kanë pohuar se renovimi i këtij objekti është me se i nevojshëm për të krijuar kushte sa me të mira për nxënës dhe arsimtarë.

Bashota i ka njoftuar mysafirët për gjendjen e këtij objekti shkollor, vështirësitë në procesin e zhvillimit mësimor si dhe rëndësinë e madhe të renovimit të objektit i cili është ndërtuar në vitin 1968.

“Puna e juaj dhe bashkëpunëtoreve tuaj nuk do të ndaloj kurrë, kontributi ynë është shumë i vogël krahas përgjegjësisë tuaj të madhe” tha përfaqësuesi i Ambasadës së SHBA-ve në Kosovë.

Ndërsa, kryetari Bashota theksoi se krijimi i kushteve për mësimdhënie dhe mësimnxënie është prioritet i yni dhe më renovimin e kësaj shkolle, suksesi në procesin edukativo-arsimor nuk do të mungoi.

Pas takimit, kreu i Klinës bashkë me mysafirët kanë vizituar objektet e Gjimnazit “Luigj Gurakuqi” në Klinë në të cilën ndjekin mësimet mbi 1000 nxënës.

Kontrolloni gjithashtu

Kryetari Kastrati ndau mirënjohje për afaristin, njëkohësisht këshilltar komunal në Grundau të Gjermanisë, Nysret Hoti

Kryetari i Komunës së Malishevës, z. Ekrem Kastrati ndau mirënjohje për afaristin dhe mërgimtarin, njëkohësisht …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara