Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari Thaçi ka disa vite që ka filluar ndarjes selektive të dekoratave për dëshmorët, duke shpallur heronj, pa asnjë kriter të pranueshëm, dhe shumicën syresh nga të njohurit e tij dhe nga radhët e PDK-së. Dekoratat e tij nuk kanë të ndalur, me qëllim që për çdo ditë të jetë në titujt e lajmeve të medieve, pa marrë para sysh se dekorimet selektive fyejnë shumë prej familjeve të dëshmorëve. Ka raste të papërgjegjshme kur ai nga tre të rënë dëshmorë, në natën mes 2 dhe 3 qershorit të vitit 1999, nga radhët e njësive Speciale, dekoron dy prej tyre, ndësa përjashton njërin, sikur është rasti i dekorimit të dëshmorëve, Kujtim Krasniqi, Ejup Kryeziu por duke anashkaluar dëshmorin, Milaim Beha nga Caraleva, një kohë, ish-zëvendës-komandant i Njësive Speciale të SHP të UÇK-së i cili ka rënë në të njëjtën ditë dhe në të njëjtin vend me dëshmorët, tani të shpallur hero të Kosovës. Janë shumë e shumë shembuj të tillë të papërgjegjshëm që irritojnë familjet e dëshmorëve, sepse ndarja e të rënëve për lirinë e Kosovës në heronj e dëshmorë, sipas tekeve të një kryetari apo të një klani në Presidencë që merret me këtë punë, nuk i bën nder luftës për lirinë e Kosovës. Ditë më parë po ky kryetar dekoroi 39 qytetarët të Shqipërisë për pjesëmarrje dhe ndihmë në luftën e Kosovës, po la anash komandantin e tri luftërave çlirimtare, Tahir Sinanin dhe të gjitha oficerët nga Shqipëria që kanë luftuar në Kosovë gjatë luftës së UÇK-së.
