Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari, Hashim Thaçi, sot pritet të takohet në Prizren me kryeministrin e Shqipërisë, Edi Rama. Thaçi, në punimet e Seminarit të 93-të Rose-Roth të Asamblesë Parlamentare të NATO-s në Prishtinë, ka thënë se bashkëpunimi me Shqipërinë duhet t’i gëzojë të gjithë. Ky bashkëpunim yni duhet t’i gëzojë të gjithë, sepse është bashkëpunim i standardeve dhe vlerave euroatlantike dhe në asnjë mënyrë nuk duhet shikuar me dyshim. Ne (politikanët) nuk e kemi asnjë aspiratë në Kosovë, as në Shqipëri për ndryshimin e kufijve, përkundrazi kemi aspiratë hapjen e kufijve sipas standardeve evropiane. Thaçi, përkundër ministrit të Jashtëm Enver Hoxhaj dhe disa jugo-analistëve, që ishin deklaruar kundër deklaratave të kryeministrit Edi Rama në Beograd, ai ka lavdëruar deklaratat e kryeministrit të Shqipërisë, në vizitën e fundit në Serbi duke vlerësuar se fjalët e tij kanë qenë të sakta dhe të goditura.
