Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës, Fatmir Limaj, ka deklaruar se zgjedhjet e ardhshme do të jenë një mundësi për të rikapitulluar premtimet e Qeverisë Kurti dhe për të kërkuar llogaridhënie për veprimet e saj gjatë katër viteve të fundit. Ai kritikoi ashpër qeverisjen aktuale, duke theksuar se nën drejtimin e Kurtit, Kosova ka pësuar trauma shoqërore, stagnim në të gjitha fushat, dhe ka prishur imazhin e saj në arenën ndërkombëtare. Fatmir Limaj theksoi se Kosova ka nevojë për një kthim në normalitet dhe për një qeveri që do të sigurojë zhvillim dhe stabilitet. Ai shtoi se vendi nuk ka arritur asnjë njohje të re ndërkombëtare dhe ka përjetuar pasiguri juridike e ekonomike, ndërsa në vend që të përparonte drejt anëtarësimit në NATO dhe BE, po përballet me sanksione. Limaj e konsideroi këtë periudhë si një kohë për reflektim dhe ndryshim, duke kërkuar nga qytetarët që të kërkojnë llogaridhënie në zgjedhjet e ardhshme.
