Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Socialdemokrate, Dardan Molliqaj, reagoi pas arrestimit të aktivistes së kësaj partie, Sonila Pllashniku nga Policia e Kosovës. Molliqaj ka thënë me këtë rast se bilanci i vitit është negativ për babadimrin kryeministër, prandaj sipas tij, Albin Kurti nuk e duron fjalën e lirë. Shumë dhurata për partinë, e shumë dëme për Kosovën. Po realizohet ‘Zajednica’, po dënohet UÇK-ja, po keq arsimohet rinia. Nuk ka kohë për shfaqjet festive të kryeministrit! Kjo qeveri që e kapi Universitetin, ia uli buxhetin universiteteve publike, zvogëloi pagat e profesorëve, favorizoi arsimin privat, nuk është e mirëpritur në hapësirat universitare! Prandaj sot aktivistja e PSD-së, Sonila Pllashniku ia ndërpreu fjalën kryeministrit duke fishkëlluar në shenjë proteste dhe duke shpërndarë një fletushkë ku i listuam pikërisht dëmet e mësipërme që Kryeministri ia solli Kosovës këtë vit. Në mënyrë të padrejtë, të papranueshme dhe tërësisht jodemokratike, Policia e Kosovës arrestoi Sonilën. Babadimri nuk e duron fjalën e lirë; nuk e duron protestën; nuk i duron fletushkat që shpalosin të vërtetën për të!”, ka nënvizuar Dardan Molliqaj.
