leoni

Kryetari Thaçi

Kryetari Thaçi, ka hedhur poshtë pretendimet se ishte i përfshirë në krime lufte

Kryetari i sapo zgjedhur i Kosovës, Hashim Thaçi në një intervistë për “Die Presse”, ka thënë së akuzat serbe për trafikim organesh janë shpikje e çmendur. “Këto akuza janë një shpikje e çmendur. Ne nuk kemi asgjë për të fshehur. Prandaj, Kuvendi i Kosovës ka miratuar krijimin e Gjykatës Speciale. Unë personalisht e kam mbështetur, sepse unë e shoh atë si një avantazh për Kosovën. Në këtë kontekst Thaçi, ka thënë se UÇK-ja i ka shkelur vetëm ligjet e Sllobodan Millosheviqit. “Ne nuk duhet të paragjykojmë vijueshmërinë e procesit të gjykatës. UÇK-ja nuk i ka shkelur rregullat ndërkombëtare. Ne i kemi shkelur vetëm ligjet e diktatorit serb Sllobodan Millosheviq, dhe unë jam krenar për këtë”, është shprehur ai. Thaçi ka folur edhe për zhvillimet e brendshme në Kosovë. Ai ka thënë se është zgjedhur president në mënyrë legjitime. Thaçi ka deklaruar se do të jetë president i të gjithëve dhe ka ftuar opozitën që ta mbështesë procesin e dialogut me Serbinë. Duke iu referuar akuzave të opozitës për Asociacionin e komunave me shumicë serbe, Thaçi ka deklaruar se Kosova nuk do të ndahet.

Kontrolloni gjithashtu

Deputetët e Partisë Demokratike të Kosovës e lëshojnë sallën e Kuvendit, nuk marrin pjesë në votime

Në Kuvendin e Kosovës. në mungesë të kuorumit, ka dështuar të themelohet komisioni hetimor për kontratat njëburimore

Në mungesë të kuorumit, ka dështuar të themelohet komisioni hetimor për kontratat njëburimore, pasi deputetët …