Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Kryetarja e Republikës së Kosovës, Atifete Jahjaga priti sot ambasadoren e re të Republikës së Kroacisë në Kosovë, zonjën Marija Kapitanoviq, e cila me këtë rast i dorëzoi letrat kredenciale. Në këtë takim, kryetarja Jahjaga shprehu mirënjohjen për mbështetjen e pakursyer që institucionet dhe qytetarët e Republikës së Kroacisë i kanë ofruar qytetarëve dhe institucioneve të Kosovës në të gjitha proceset nëpër të cilat ka kaluar vendi. Sipas Sipas njoftimit, kryetarja Jahjaga theksoi rëndësinë e thellimit bashkëpunimit dhe të marrëdhënieve midis dy vendeve, në çdo fushë me interes dypalësh, me theks në atë ekonomike. Në anën tjetër, ambasadorja e Republikës së Kroacisë në Kosovë, Marija Kapitanoviq shprehu gatishmërinë e Qeverisë kroate për të vazhduar mbështetjen e fuqishme për Kosovën, sidomos në procesin e konsolidimit dhe anëtarësimit në institucionet ndërkombëtare dhe në proceset drejt integrimit në Bashkimin Evropian.
Kontrolloni gjithashtu
Lumir Abdixhiku: Refuzimi i VV-së nuk është inat politik, por interes kombëtar
Kreu i Lidhjes Demokratike të Kosovës, Lumir Abdixhiku, ka reaguar ashpër nga Spanja ndaj përpjekjeve …