Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja, Vjosa Osmani, ka ndërmarrë hapa konkretë për të ripërtërirë një iniciativë të rëndësishme të ish-kryetarit, Hashim Thaçi, që aktualisht ndodhet në paraburgim në Hagë. Bëhet fjalë për Komisionin për të Vërtetën dhe Pajtimin, një nismë kjo që kishte ngjallur debate të shumta në Kosovë që nga fillimi i saj në vitin 2017. Zëdhënësi i Presidencës, Bekim Kupina, ka deklaruar se ky akt do të ndërlidhet me mandatin e trasuar në Strategjinë e Drejtësisë Transicionale, duke synuar adresimin e trashëgimisë së së kaluarës dhe ndihmën e procesit të pajtimit mes komuniteteve në Kosovë. Nisma e Thaçit, që dikur hasi në vështirësi për t’u realizuar, përfshinte përgatitjen e draft-dokumenteve për themelimin dhe funksionimin e komisionit nga një ekip përgatitor. Sipas Ardian Arifajt, ish-këshilltar i Thaçit, ky ekip kishte përgatitur draft-statusin, draft-buxhetin dhe projektin për komisionin.
