Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan, në Beograd, Kyle Scott, gjatë një takimi me kryeministren e Serbisë, Ana Bërnabiq, ka thënë se Amerika po vazhdon t’ju bëjë thirrje autoriteteve të Kosovës të heqin taksën ndaj mallrave serbe, pasi sipas tij ajo është pengesë e dialogut mes Prishtinës dhe Beogradit. Në njoftimin e kabinetit të kryeministres serbe është thënë se ambasadori amerikan ka shprehur gatishmërinë e ShBA-së të ndihmojë në arritjen e një marrëveshjeje mes Prishtinës dhe Beogradit “e cila do të mundësonte stabilitetin dhe përparimin e gjithë rajonit”. Brnabiq, ka shprehur domosdoshmërinë e heqjes së taksës ndaj mallrave serbe nga ana e Prishtinës, në mënyrë që të mundësohet vazhdimi i dialogut në Bruksel. Qeveria e Kosovës më 6 nëntor, të vitit të kaluar, fillimisht kishte vendosur tarifë doganore 10 për qind për produktet e importuara me origjinë nga Serbia dhe Bosnje e Hercegovina. Kjo tarifë doganore u ngrit në 100 për qind më 21 nëntor.
