Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës ka nisur zyrtarisht fushatën elektorale për zgjedhjet lokale të 12 tetorit, me një tubim madhështor në Pallatin e Rinisë në Prishtinë, ku qindra përkrahës të kësaj partie u mblodhën për të dëgjuar mesazhet e udhëheqjes dhe për të parë prezantimin e kandidatëve për kryetarë komunash.bKryetari i LDK-së, Lumir Abdixhiku, në fjalën e tij theksoi se rikthimi i kësaj partie në komunat që kanë nevojë për zhvillim nuk është thjesht një betejë elektorale, por një mision patriotik. “Lidhja Demokratike nuk është vetëm parti politike – LDK është ndjenjë. Është shpresa e prindërve dhe fëmijëve tanë. Është shpresa e gjeneratave që do të vijnë dhe që do të krenohen me historinë dhe trashëgiminë e kësaj Lidhjeje që e ka kaluar çdo kohë e çdo sfidë. LDK është dashni”, u shpreh Abdixhiku, duke marrë duartrokitjet e fuqishme të të pranishmëve. Ai tha se LDK-ja do të garantojë një model qeverisjeje lokale të bazuar në zhvillim, transparencë dhe mirëqenie për qytetarët, duke u zotuar se kandidatët e kësaj partie do të jenë në shërbim të njerëzve dhe të komunave, jo të interesave të ngushta partiake.Tubimi i sotëm shënoi nisjen e një fushate që LDK e sheh si vendimtare për rikthimin e saj në drejtimin e komunave kryesore të vendit.
