Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Apelit sot
ka vendosur që të akuzuarve, Albin Kurti dhe Albulena Haxhiu, t’u ndërpritet masa
e arrestit shtëpiak dhe të njëjtit të mbrohen në liri. Kolegji i përbërë nga
tre gjykatës, miratoi ankesat e avokatëve mbrojtës të deputetëve të Vetëvendosjes,
kundër dy aktvendimeve të Gjykatës Themelore në Prishtinë, të nxjerra
më 28 dhjetor të vitit të kaluar dhe më 6 janar të këtij viti. Në bazë të vlerësimit
të Gjykatës së Apelit, pretendimet ankimore janë të bazuara, ngase sikurse del
nga shkresat e lëndës, nuk plotësohet asnjeri prej kushteve të veçanta, të
parapara në Kodin e Procedurës Penale të Republikës së Kosovës, mbi bazën e të
cilave të pandehurve iu është vazhduar masa e arrestit shtëpiak. Kjo për faktin
se atyre u dihet identiteti, vendbanimi, si dhe nuk ekzistojnë rrethana tjera
të cilat tregojnë, se ekziston rreziku i ikjes, arratisjes, apo përsëritjes se
veprës penale.
