Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lista Serbe është rikthyer jo vetëm në Leposaviq, por në të gjitha komunat me shumicë serbe, duke marrë përsëri kontrollin institucional pas dy vitesh ngërçesh e tensione. Ndërkohë, nga narrativa e zhurmshme e Vetëvendosjes për “transformimin e Veriut”, kanë mbetur vetëm sanksionet e SHBA-së e BE-së dhe episodet e kritikave publike, madje edhe ndaj figurave që dikur i ngritën në piedestal, transmeton Gazeta Metro. Ish-kryeministri shqiptar Edi Rama kishte paralajmëruar se qasja e “Republikës së Tretë” të Albin Kurtit po e çonte Kosovën drejt izolimit. Ai përmendte shpesh rastin e Lulzim Hetemit si shembull të kursit të gabuar politik, duke thënë se “nuk ka më logjikë të mbahet vetëburgosuri i vetëvendosur në një godinë ku nuk zhvillohet asnjë aktivitet”. Qortimet e tij u shpërfillën, derisa erdhën sanksionet e qarta nga Uashingtoni dhe Brukseli. Liburn Aliu, që atëherë ishte ndër vizitorët kryesorë të Hetemit, ka braktisur tashmë VV-në për t’u zhvendosur politikisht në Shqipëri. Ndërkohë, realiteti në terren ka ndryshuar. Në katër komunat veriore, Mitrovicë e Veriut, Leposaviq, Zveçan dhe Zubin Potok, më 5 dhjetor u mbajtën seancat konstituive, ku kryetarët e rinj të Listës Serbe morën zyrtarisht drejtimin e pushtetit lokal, duke rikthyer kontrollin që kishin para krizës së fundit politike.
