Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për Kryeministër nga Lidhja Demokratike e Kosovës, Lumir Abdixhiku, ka premtuar investime prej 1.5 milionë eurosh për Kryeqytetin nën qeverisjen e tij. Duke folur në një tubim në lagjen Bregu i Diellit, Abdixhiku tha se Prishtina meriton një qeveri partnere, e cila e mbështet zhvillimin dhe nuk e pengon punën e institucioneve lokale. Ai theksoi se qytetarët e Prishtinës kanë dhënë vazhdimisht besim për LDK-në dhe se investimet do të ndikojnë drejtpërdrejt në përmirësimin e jetës urbane në Kryeqytet. Poashtu LDK ka njoftuar se të premten do ta mbyllë fushatën në Sallën e Sportit në Pallatin e Rinisë në Prishtinë. “Kjo nuk është thjesht një mbyllje fushate, është dëshmi e vullnetit të njerëzve që kanë shpresë, është zëri i atyre që nuk dorëzohen, është momenti kur bashkohemi dhe e shkruajmë historinë krah për krah njëri-tjetrit”, thuhet në njoftimin e partisë.
