Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për herë të dytë brenda tre ditësh zëdhënësja e Ministrisë së Jashtme ruse Maria Zaharova ka paralajmëruar Greqinë të mos furnizojë forcat ukrainase me raketat S-300, pasi përndryshe do të kryejë sipas Moskës një veprim armiqësor. Po flasim për një shkelje të rëndë të dispozitave të marrëveshjes ndërqeveritare ruso-greke mbi bashkëpunimin teknik ushtarak të 30 tetorit 1995 dhe për furnizimin e produkteve ushtarake të 3 dhjetorit të vitit 2013. Marrëveshjet në mënyrë të qartë e ndalojnë Greqinë të rieksportojë pajisje ushtarake të marra nga ne, tek një palë e tretë, pa pëlqimin e Rusisë”, tha Maria Zaharova, zëdhënëse e Ministrisë së Jashtme ruse. Ajo edhe më parë kishte theksuar se Athina ka shprehur gatishmërinë për të dërguar raketat S-300 nga Kreta në Ukrainë, ndërsa qarqe kompetente të Ministrisë greke të Mbrojtjes deklarojnë se nuk ka asnjë plan për zëvendësimin e raketave S-300 me ato amerikane “Patriot”, në këmbim të dërgimit të tyre, në Ukrainë.
