Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbi gjashtë mijë shtetas të Republikës së Kosovës po qëndrojnë aktualisht në territorin e Republikës së Shqipërisë me leje të rregullt qëndrimi. Sipas të dhënave të Ministrisë së Brendshme të Shqipërisë, numri i përgjithshëm i shtetasve të Kosovës me leje qëndrimi është 6 mijë e 41. Kjo ministri ka bërë të ditur se lejet e qëndrimit janë dhënë për arsye të ndryshme, duke filluar nga bashkimi familjar e deri te punësimi dhe investimet. Nga të dhënat zyrtare rezulton se 2 mijë e 430 leje janë dhënë për bashkim familjar, 1 mijë e 133 për punëmarrës, 228 për vetëpunësim apo investitorë, 116 janë leje të përhershme, 70 për studime, ndërsa 2 mijë e 64 raste hyjnë në kategorinë “të tjera”. Ministria e Brendshme e Shqipërisë thekson se shtetasit e Kosovës që qëndrojnë ligjërisht në vend gëzojnë të drejtën e punësimit të barabartë me shtetasit shqiptarë, pa pasur nevojë për miratim nga Agjencia Kombëtare e Punësimit, përveç rasteve kur kërkohet posaçërisht pasaportë shqiptare. Ndryshe nga disa raste të raportuara në Kosovë, autoritetet shqiptare bëjnë të ditur se gjatë vitit 2025 nuk është gjobitur asnjë shtetas i Kosovës për shkelje të rregullave të qëndrimit në Shqipëri. Sipas ministrisë, shtetasit e Kosovës që aplikojnë për herë të parë dhe plotësojnë kriteret përkatëse përfitojnë leje qëndrimi me afat pesëvjeçar.
