Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbrojtja e Jakup Krasniqit ka njoftuar trupin gjykues në Gjykaten Speciale në Hagë se nuk do të mbështetet në dëshminë e një dëshmitari, emri i të cilit mbetet i redaktuar. Në njoftim thuhet se Mbrojtja nuk ka më ndërmend të përdorë provat e dëshmitarit në fjalë dhe, si rrjedhojë, nuk do të dorëzojë asnjë kërkesë në përputhje me Rregullën 154 të procedurës. “Në pajtim me Rregullën 119 dhe urdhrin e Panelit të Dytë Gjyqësor, Mbrojtja njofton se nuk do të mbështetet më në provat e [REDAKTUAR]”, thuhet në parashtrimet e saj. Prokuroria kishte përfunduar paraqitjen e provave në këtë rast më 15 prill 2025. Pas kësaj, mbrojtja kishte bërë kërkesë sipas Rregullës 130, që parasheh rrëzimin e ndonjë ose disa akuzave në aktakuzë. Vendimi mbi këtë kërkesë u mor më 16 korrik 2025. Kryetari i trupit gjykues, Charles Smith III, kishte sqaruar atëherë se incidentet që mbrojtja i kishte kundërshtuar — ato të ndodhura para majit 1998 dhe pas 20 qershorit 1999 — nuk përbënin akuza në kuptimin e Rregullës 130. Rasti “Thaçi dhe të tjerët” po vazhdon në Dhomat e Specializuara të Kosovës, ku të akuzuarit përfshijnë Hashim Thaçin, Kadri Veselin, Jakup Krasniqin dhe Rexhep Selimin, të cilët përballen me akuza për krime lufte dhe krime kundër njerëzimit.
