Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 15 shtator, mbrojtja e ish-krerëve të Ushtrisë Çlirimtare të Kosovës do të nisë paraqitjen e provave në gjykatën speciale në Hagë. Në konferencën statusore të mbajtur së fundi, u konfirmua se në sallë ishin të pranishëm Hashim Thaçi, Kadri Veseli dhe Rexhep Selimi, ndërsa Jakup Krasniqi e ndoqi seancën përmes video-lidhjes. Trupi gjykues kërkoi nga mbrojtja e Thaçit dhe Krasniqit të japin afate për deklaratat e dëshmitarëve. Avokati i Thaçit, Lluka Misetiq, deklaroi se nga 11 dëshmitarë të planifikuar, pesë prej tyre ende nuk kanë përmbledhje të dorëzuara, ndërsa për katër dëshmitarë që janë figura të rëndësishme nga SHBA-ja, po priten autorizime. Edhe një dëshmitar tjetër është nga Mbretëria e Bashkuar. Mbrojtja njoftoi se do të kërkojë 35.5 orë për dëshmitë e planifikuara. Prokuroria tha se i nevojitet një muaj për përgatitje pas dorëzimit të deklaratave, ndërsa mbrojtja theksoi se nuk është e obliguar t’i paraqesë ato paraprakisht. Mbrojtja e Krasniqit tha se do të ftojë katër dëshmitarë, dy me dëshmi në gjykatore dhe dy me dëshmi me shkrim tashmë të dorëzuara. Gjykatësi parashikoi se procesi i dëshmive mund të zgjasë rreth 35 ditë pune dhe seanca do të jenë kryesisht të hapura për publikun, përveç rasteve kur kërkohet konfidencialitet.
