Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bacë Osmani,
sot është 2 nëntori …
ti o palcë prej guri
a thua do të trokas dikush
në derën e vjetër prej druri
po
ka dhe s’ka mundësi
tani në breg të diellit
bëhet fushatë
hahet mish i pjekur
dikush e ha bukën thatë
dikush pi raki
dikush pushtetar
dikush bënë tregti
dikush lypsar
dikush servil
dikush hafi
dikush me burrëri
dikush prapa grilave
kyçur nën dry…
nënë Shqipëri, nënë Shqipëri
në breg të diellit
ku dielli ngrohtësinë fali
ranë
bijtë e kësaj toke
ranë
Afrimi e Fahri djali
… mos qoftë e thënë
ta kenë harruar ata këtë ditë
ata
që dikur bukën e ngrohtë
nga duar e nënë Qamilës
kanë ngrënë
ata që me bacë Osmanin dikur
netët kanë zbardhë
jo
edhe nëse është kështu
nuk dua të besoj
jo
nuk dua që sonte gjumin
me ndrojtje ta bëj
sonte jam me ty bacë Osmani
atje tek shelgu në oborr
ulu e ndeze një cigare
dhe
me hijen time fol
se dheu për të gjallë na treti
kaq të shkapërderdhur
edhe ky 2 nëntor
na gjeti
mos qajë për ata që ranë
qajë për ne
që jemi e nuk jemi gjallë!
2 nëntori do vjen prapë
do vjen si herëve tjera
ti ike bacë Osmani
edhe Syla!…
këtë nëntor
ti nuk na prite tek dera
na priti nënë Qamilja
me shaminë e bardhë
mirë së erdhët bijtë e mi
mirë së keni ardh
Nëntor, 2025
