na duhet kohë
për të sjellë në kala
nga fundi i botës Doruntinën
vëllai ngritur nga varri
erë dheu po vinte
po vinte erë bari
prej kohësh
vëlla e motër
degdisur e djegur malli
në kërkim të pafajësisë
u ngritëm edhe nga fundi i dheut
besën e dhënë
peng nuk e lamë
dashurinë për motrat e sollëm
në gjirin e këngës së lashtë
si në ëndërr
erdhëm edhe nga bota tjetër
fluturim me atin e bardhë
përballë motrës
fjalën e dhënë
peng nuk e lamë