Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Memli Krasniqi, tha kryeministri Albin Kurti i ka mbyllur shkollat për nxënës, por i ka hapur për zgjedhjet e Vetëvendosjes. E kam thënë edhe në Kuvend që kryeministri lufton me armiq imagjinarë e jo me probleme të qytetarëve. Në krizën më të madhe të arsimit që nga vitet e 90-ta, ai ushqen fantazitë e tij, larg brengave dhe problemeve që po rriten çdo ditë në Kosovë. Kreu i PDK-së i është përgjigjur edhe etiketimeve të sotme të kryeministrit Albin Kurti për sindikalistët. Tash, e paska quajtur SBASHK-un sindikatë të PAN-it. Nuk ka PAN por ka grevë! SBASHK-u nuk po tregohet partner fleksibil, por gatishmëria që fëmijët të vuajnë, vetëm e vetëm që Albin Kurti të quhet i “pathyeshëm” nga militantët e tij, është mentalitet diktatorial. Qytetarët nuk kanë votuar që të kenë një kryeministër i cili “e lë popullin pa arsim e fëmijët pa shkollim”. Jam i bindur se qytetarët nuk kanë votuar që sot të përballen me këtë mentalitet dhe tendencë të Kryeministrit për t’i nënshtruar të gjithë, tha Memli Krasniqi.
