Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Partisë Demokratike të Kosovës, Memli Krasniqi, ka shprehur mbështetjen e tij për protestën pro-UÇK që do të mbahet këtë të shtunë, më 13 dhjetor, nga ora 13:00, në Sheshin “Skënderbeu” në Shkup. Në reagimin e tij, Krasniqi u bëri thirrje shqiptarëve nga të gjitha trojet që të bashkohen në këtë ngjarje, të cilën ai e cilësoi si një zë të përbashkët për të mbrojtur dinjitetin, të vërtetën dhe luftën çlirimtare të UÇK-së. Sipas tij, protesta është një vazhdimësi e përpjekjeve qytetare për t’i dhënë mbështetje ish-pjesëtarëve të UÇK-së që po përballen me procese gjyqësore. “Pas Prishtinës dhe Tiranës, këtë të shtunë jehona për drejtësi e shqiptarëve do të ngrihet fuqishëm edhe në Shkup”, shkroi Krasniqi, duke nënvizuar simbolikën e unifikimit kombëtar. Protesta në Shkup pritet të shërbejë si një moment i rëndësishëm mobilizimi për çështjet që lidhen me trajtimin gjyqësor të ish-çlirimtarëve të Kosovës, duke reflektuar ndjeshmëri të lartë shoqërore dhe politike në mbarë rajonin.
