Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aktivisti Mentor Majaci ka njoftuar dorëheqjen e tij nga Lëvizja Vetëvendosje, duke kërkuar falje publike ndaj miqve, bashkëpunëtorëve dhe qytetarëve që i ka ftuar më parë t’i bashkohen kësaj partie. Në një postim të gjatë, Majaci ka kritikuar keqqeverisjen, arrogancën dhe mosdëgjimin e qytetarëve brenda Vetëvendosjes, duke përmendur edhe kapjen e institucioneve dhe punësimet e njëanshme partiake, sidomos në Komunën e Podujevës. Ai tha se Vetëvendosje, që dikur simbolizonte idealizëm dhe sakrificë qytetare, tani funksionon si mekanizëm për pushtet të pandalshëm, përjashtues dhe të orientuar nga interesat personale. Majaci njoftoi se dorëheqja është me efekt të menjëhershëm dhe shtoi se do të vazhdojë të jetë aktiv si qytetar i lirë, duke u përkushtuar për të luftuar padrejtësitë.
