Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori Ekzekutiv i Qendrës Kosovare për Studime të Sigurisë, Mentor Vrajolli ka vlerësuar se vendi ynë po zhvillon një ushtri moderne me kapacitete të trajnuara në akademitë më prestigjioze ndërkombëtare. Ai ka shtuar më tutje se kjo e bënë atë aset për aleancën në kohën kur pasiguria globale është në kulmin e saj. “Është në një interes jashtëzakonisht të madh të NATO-s që Kosova të jetë pjesë e saj, për shkak se e ulë nevojën për të investuar në siguri në Ballkanin Perëndimor e që në njëfarë forme i mundëson që këto resurse të përdoren në vendet e tjera. Po ashtu edhe resurset e Kosovës mbase janë edhe të dobishme për shkak se Kosova për dallim nga shtetet e tjera është duke krijuar një ushtri jashtëzakonisht moderne me njerëz të trajnuar në akademitë më të mira në botë. Mbase, edhe kjo do të mund të ndikonte që këta persona të jenë të dobishëm për nevojat e aleancës. Jemi në një periudhë ku pasiguria globale është në kulmin e saj, kështu që ky numër i ushtarëve që Kosova është duke ndërtuar, mbase janë edhe numër me interes edhe për aleancën”, ka thënë mes tjerash për Ekonomia Online, drejtori Ekzekutiv i Qendrës Kosovare për Studime të Sigurisë, Mentor Vrajolli.
