Mësimdhënësi Kemajl Bislimi del në pension, nderohet me mirënjohje nga kryetari Haliti

29/05/2025 Institucionet

Me rastin e pensionimit, pas shumë viteve të përkushtimit në arsim, kryetari i komunës së Vitisë, Sokol Haliti ka pritur në takim mësimdhënësin dhe kryetarin e Sindikatës së Arsimit në komunën e Vitisë, Kemajl Bislimi. Me këtë rast, kryetari i komunës i ndau një mirënjohje për kontributin e tij të çmuar në edukimin e brezave të rinj dhe në zhvillimin e arsimit në komunën tonë.

Në fjalën e tij, kryetari vlerësoi punën e palodhshme të profesorit Bislimi, duke e cilësuar atë si shembull frymëzimi dhe model për gjeneratat e ardhshme të mësimdhënësve.

“Z. Kemajl Bislimi nuk ka qenë vetëm një mësues, por një udhërrëfyes, një mik dhe një mentor për shumë nxënës gjatë gjithë këtyre viteve. Kontributi i tij nuk harrohet dhe do të mbetet pjesë e historisë sonë arsimore,” tha ndër të tjera kryetari Haliti.

Mësimdhënësi Bislimi u shpreh falënderues për vlerësimin, duke theksuar se për të arsimi ka qenë më shumë se një profesion – një mision jetësor, pasi që në proceset mësimore ishte i kyçur që nga vitet 80-90.

Kontrolloni gjithashtu

Mbahet konsultim publik për Draft-Vlerësimin Strategjik Mjedisor dhe Planet Ndërkomunale të Menaxhimit të Mbeturinave

Drejtoria e Shërbimeve Publike dhe Emergjencës e komunës së Ferizajt ka mbajtur sot një konsultim …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara