Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori universitar, Milazim Krasniqi, duke komentuar paraqitjen e ministres së Punëve të Jashtme, Donika Gërvalla, në KS të OKB-së, ka theksuar se shumë më mirë ka qenë po ta bënte prezantimin ambasadori, Blerim Reka, i cili është shef i Misionit në Konsullatën e Përgjithshme të Kosovës në Nju Jork. “Sa mbaj mend, asnjë fjalë nuk e kam thënë ndonjëherë për Donika Gërvallën, si ministre e jashtme. Arsyeja gjithmonë ka qenë: meqë është e bija e Jusuf Gërvallës, ta kursej. Por kjo është qasje e gabueshme. Populli ynë thotë: “prej Skenderit del beteri.” Deklarata e Donikës se ka deponuar dokumente në Gjykatën Speciale ka qenë dhe mbetet e turpshme. Mbajtja në detyrë pas asaj deklarate ka qenë dhe është imorale. Si e mbron kauzën e Kosovës, nëse vetë ka deponuar dokumente kundër Kosovës? Pasojat u panë në KS të OKB-së. Shumë më mirë ka qenë po ta bënte prezantimin ambasadori Blerim Reka”, ka shkruar, Milazim Krasniqi.
