Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori universitar, Milazim Krasniqi, ka reaguar ashpër ndaj komentit të kandidatit të Vetëvendosjes për deputet, Luan Gacaferri, i cili u shpreh i gëzuar lidhur me përkeqësimin e shëndetit të ish-presidentit Hashim Thaçi, që po mbahet në Hagë. Krasniqi e ka cilësuar këtë reagim si akt tradhtie, duke theksuar se Thaçi nuk është një kundërshtar politik, por një figurë kyçe në historinë e Kosovës, si lider i UÇK-së, udhëheqës i delegacionit të Kosovës në Rambuje dhe si shpallës i Pavarësisë. Ai ka theksuar se çdo person që nuk e çmon rolin e Thaçit në këto ngjarje dhe që u gëzohet problemeve shëndetësore të tij, është thjesht një tradhtar. Krasniqi ka bërë një thirrje për reflektim dhe ka theksuar se, pa rolin e UÇK-së, marrëveshjen e Rambujesë dhe shpalljen e Pavarësisë, Kosova mund të kishte mbetur nën Serbi. Ata që nuk e kuptojnë rëndësinë e këtyre ngjarjeve, janë idiotë ka nënvizuar, profesori universitar, Milazim Krasniqi.
