Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori, Milazim Krasniqi, reagoi përmes një postimi pasi kryetarja, Vjosa Osmani dhe kryeministri Albin Kurti, nuk kanë arritur të takohen me Sekretarin amerikan të Shtetit, Antony Blinken, në konferencën e Sigurisë që u mbajt në Mynih. Ai thotë se kjo mund të komentohet si pakënaqësi e Amerikës me politikën që po e ndjekin dy krerët e Kosovës. Kjo shmangie dhe ky anashkalim do të duhej të ishte alarm për Vjosa Osmanin dhe për Albin Kurtin. Jo edhe aq për Kosovën. Kosova vazhdon të jetë nën kujdesin dhe mbrojtjen amerikane pavarësisht kush ulet në ato karrige. Ata që ulen në ato karrige bëjnë mirë ta dinë se mandatet e tyre janë të përkohshme, ndërsa Kosova atlantike është e përjetshme, ka shkruar profesori, Milazim Krasniqi.
