MINISTRI I INFRASTRUKTURËS PAL LEKAJ PRITI NË NJË TAKIM AMBASADORIN E SLLOVENISË NË KOSOVË BOJAN BERTONCELJ

25/01/2018 Institucionet

Ministri i Infrastrukturës priti në një takim ambasadorin e Sllovenisë në Kosovë Bojan Bertoncelj, si dhe  Janez Satjovic, nga kompania sllovene “Kontel” njëherit edhe përfaqësues i mbi njëzet kompanive sllovene të infrastrukturës. Në fillim të takimit ministri Lekaj, i dëshiroi mirëseardhje ambasadorit Bertoncelj, duke e falënderuar atë edhe për kontributin e Republikës së Sllovenisë në shtetndërtimin e Kosovës. Ministri Lekaj, e njoftoi ambasadorin lidhur me projektet të cilat janë duke u realizuar në Ministrinë e Infrastrukturës, si dhe lidhur me interesimin e ministrisë që t’iu jepet mundësi dhe hapësirë të gjitha  kompanive vendore dhe ndërkombëtare që kanë nivel të lartë të përgjegjësisë dhe profesionalizmit. Ambasadori duke e falënderuar Ministrin e Infrastrukturës, Pal Lekaj, për pritjen ka theksuar rëndësinë e Ministrisë së Infrastrukturës, jo vetëm në zhvillimin e brendshëm të vendit, por edhe në zhvillimin rajonal, nëpërmjet projekteve infrastrukturore. Ministri Lekaj dhe Ambasadori Bertoncelj kanë biseduar edhe për projekte që kanë të bëjnë më infrastrukturën hekurudhore dhe nevojën e modernizimit të tyre, si dhe projekte të infrastrukturës rrugore, e për të cilat kërkohet standard dhe teknologji e lartë.

Kontrolloni gjithashtu

Në Llukë të Epërme u mbajt manifestimi përkujtimor kushtuar 35-vjetorit të Kuvendit të Pajtimit të Gjaqeve

Sot në fshatin Llukë e Epërme të Deçanit u mbajt manifestimi përkujtimor kushtuar 35-vjetorit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara