Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Integrimit Evropian, Dhurata Hoxha ju ka bërë thirrje deputetëve që ta ratifikojnë marrëveshjen e demarkacionit me Malin e Zi. Ajo ka shfaqur shpresën se marrëveshja do ta marrë mbështetjen e deputetëve dhe demarkacioni të kalojë në Kuvendin e Republikës së Kosovës. Tanimë është bërë një kohë mjaft e gjatë prej vendimit të fundit kur Kosovës iu dha rasti me përmbushjen e dy kushteve të mbetura të gëzojë procesin e lëvizjes së lirë, procesin e liberalizimit të vizave. Marrëveshja për shënimin e kufirit me Malin e Zi është ende e paratifikuar në Kuvend, ka përkujtuar më tutje ministrja e Integrimit Evropian, Dhurata Hoxha. Të hënën më 15 janar, Kuvendi i Kosovës kthehet në punë pas pushimit dimëror dhe pritet që me këtë datë, Komisioni parlamentar për Punë të Jashtme të diskutojë për marrëveshjen për shënjimin e kufirit ndërmjet Kosovës dhe Malit të Zi, dhe do të vendosë për procedim të mëtutjeshëm në seancën e radhës.
