Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Mitrovicën e Veriut, këtë mëngjes janë shpërndarë fletushka me mesazhe nacionaliste, përmes të cilave qytetarët serbë thirren të vendosin flamujt e Serbisë në shtëpitë e tyre. Lajmin e ka konfirmuar për Gazetën Metro edhe zëvendësdrejtori i Policisë për rajonin e Mitrovicës, Veton Elshani, i cili tha se rasti është përcjellë te prokuroria, por nuk është hapur ndonjë procedurë. Njëra nga fletushkat e siguruara nga media, e shkruar në gjuhën serbe, përmban thirrje që flamuri i Serbisë të vendoset në ballkone, dritare e hapësira të dukshme, duke u cilësuar si “simbol i lirisë, unitetit dhe krenarisë”. Në tekst bëhet thirrje për rezistencë dhe mosdorëzim, me mesazhin “Serbia në zemër, flamuri në erë”. Ky zhvillim vjen vetëm një ditë pas aksionit të Qeverisë së Kosovës, e cila ka larguar grafitet dhe muralet me përmbajtje nacionaliste në Mitrovicën e Veriut dhe Zveçan.
