MKRS-ja ndau dhjetë bursa olimpike për vitin 2016

23/05/2016 Institucionet

Duke u bazuar në Rregulloren Nr. 03/2013 për ndarjen e Bursave për Shpresat Olimpike dhe Paraolimpike, dhe pasi që Bordi Ekzekutiv i KOK-ut ka shqyrtuar të gjitha propozimet e federatave, si dhe bazuar në rezultate e sportistëve të Republikës së Kosovës të arritura gjatë vitit 2015 në vend dhe në arenën ndërkombëtare, janë përzgjedhur10 sportistët që do të përfitojnë Bursa për shpresat Olimpike të vitit 2016 në vlerë 150 eurosh në muaj për periudhën janar-dhjetor 2016.

Këto bursa i jep MKRS-ja dhe janë në funksion të ndihmës së vazhdueshme për sportistë tanë, sidomos tani para Lojërave Olimpike që mbahen sivjet në Brazil dhe ku Kosova do të përfaqësohet për herë të parë.

Me këtë rast ministri Shala u shpreh se kjo përkrahje për shpresat olimpike, është përkrahje për të ardhmen e sportit të Kosovës dhe për avancimin e mëtejmë të tij në arenën ndërkombëtare.

Sportistët që kanë përfituar sivjet janë: Distria Krasniqi (xhudo), Donjeta Sadiku (boks), Dardan Syla (mundje), Flaka Loxha (xhudo), Patriot Berami (boks), Valentin Sadiku (atletikë), Erudit Rysha (atletikë), Luan Haliti (çiklizmi), Blendon Luta (pingpong), Medina Surdulli (not, paraolimpike).

Kontrolloni gjithashtu

Komunat i përgjigjen Kurtit: Asnjë aktakuzë ndaj nesh – por ka në qeverinë tuaj

Bordi i Asociacionit të Komunave të Kosovës (AKK) shpreh keqardhje dhe shqetësim të thellë për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara