Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Punëve të Jashtme dhe Diasporës ka kërkuar që të marrë fund praktika e Serbisë që përdor sistemin e drejtësisë për presion politik. Kjo mininstri ka shfaqur konstatimin e saj se akuzat e Serbisë të ngritura ndaj ish policit të Kosovës, Arbnor Spahiu ishin të motivuara politikisht dhe të pabazuara në prova. Në reagimin e Ministrisë së Punëve të Jashtme dhe Diasporës vlerësohet se lirimi i tij konfirmon qartazi se pretendimet e Serbisë nuk qëndronin dhe përdorimi i sistemit të drejtësisë për presion politik ndaj qytetarëve kosovarë është një praktikë që duhet të marrë fund. “Ministria falënderon institucionet vendore dhe ndërkombëtare që kanë kontribuar në trajtimin e drejtë të rastit dhe rithekson përkushtimin e saj për mbrojtjen e çdo qytetari të Kosovës, kudo që ndodhet”, thuhet mes tjerash në reagimin e kësaj ministrie.
