Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-nënkryetari i Organizatës së Veteranëve të Luftës së Ushtrisë Çlirimtare të Kosovës, Nasim Haradinaj, ka bërë të ditur se ka vizituar ish-krerët e UÇK-së që po mbahen në paraburgim në Hagë, duke thënë se gjendja e tyre fizike dhe shpirtërore është e mirë, përkundër rrethanave të rënda në të cilat ndodhen. Haradinaj ka theksuar se Hashim Thaçi, Kadri Veseli, Rexhep Selimi dhe Jakup Krasniqi po e përballojnë procesin me vendosmëri dhe me një moral të lartë. “Unë sot jam shumë i relaksuar, sepse po kthehem nga shokët e mi në vizitë. Ata më kanë dhënë forcë, i kam parë shumë mirë, të fortë dhe me shëndet të mirë. Çka është më kryesorja, janë optimistë dhe të fortë”, u shpreh Haradinaj. Sipas Haradinajt, edhe pse proceset ndaj ish-drejtuesve të UÇK-së po zvarriten, ata “po e mbajnë qëndrimin e luftëtarit” dhe mbeten të bindur në pafajësinë e tyre. Ai ka shtuar se qëndrimi i tyre i fortë moral është “një mesazh për bashkëluftëtarët dhe për gjithë popullin që beson në drejtësinë e luftës së UÇK-së”. Përkrahësit e krerëve të UÇK-së prej kohësh kanë shprehur pakënaqësi ndaj zgjatjes së proceseve dhe vendimeve të përsëritura për paraburgim, duke e cilësuar këtë si trajtim selektiv dhe politikisht të motivuar ndaj figurave kyçe të luftës së fundit në Kosovë.
