Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Është ndërprerë sërish përpjekja për konstituimin e legjislaturës së nëntë të Kuvendit të Kosovës. Seanca e 38-të konstituive, e cila u mbajt një ditë pas aktgjykimit të Gjykatës Kushtetuese, nuk solli ndonjë përparim konkret. Kryesuesi i seancës, Avni Dehari, tha se para mbledhjes zhvilloi një takim me përfaqësuesit e partive politike, ku u dakorduan që seanca të ndërpritet dhe të vazhdojë më 29 qershor, pas takimit të thirrur nga Lëvizja Vetëvendosje për ditën e shtunë. “Kishte mendim të përbashkët që të ndërpritet seanca dhe të pritet rezultati i takimit të nesërm, për të vazhduar më 29 qershor”, deklaroi Dehari në sallën e Kuvendit. Seanca vjen pas vendimit të Gjykatës Kushtetuese, e cila u bëri thirrje deputetëve të konstituojnë Kuvendin brenda 30 ditësh, duke theksuar rëndësinë e kompromisit politik dhe respektimit të Kushtetutës.
