Në kuadër të Fushatës Sensibilizuese “16 Ditët e Aktivizmit kundër Dhunës në Familje dhe Dhunës me Bazë Gjinore”, u zhvilluan ligjërata në disa shkolla të Deçanit

05/12/2025 Institucionet

Në kuadër të Fushatës Sensibilizuese “16 Ditët e Aktivizmit kundër Dhunës në Familje dhe Dhunës me Bazë Gjinore”, sot u zhvilluan ligjërata informuese në Shkollën “Bajram Curri” në Strellc të Epërm, Lidhjen e Prizrenit në Deçan dhe në Shkollën “Isa Boletini” në Isniq.

Ligjëratat u organizuan nga Ajne Iberhysaj, Koordinatore e Mekanizmit Komunal kundër Dhunës në Familje, ndërsa u mbajtën nga:

• Xhavit Nimanaj, Shef i Hetimeve të Sektorit kundër Dhunës në Familje.

Gjatë këtyre sesioneve u trajtuan tema të rëndësishme si:

• Përkufizimi i dhunës në familje

• Llojet e dhunës

• Ndikimet psikologjike, shoqërore dhe fizike të dhunës

• Procedurat e trajtimit dhe adresimit të rasteve

• Korniza ligjore dhe masat institucionale që ndërmerren në mbrojtje të viktimave

Nxënësit patën mundësi të parashtrojnë pyetje, për të cilat dhanë përgjigje edhe:

• Nurije Gashi, police hetuese kundër dhunës në familje dhe delikuencës së fëmijëve

• Violeta Kukalaj, zyrtare nga Drejtoria e Arsimit

• Begije Osaj-Januzaj, psikologe.

Komuna e Deçanit falënderon të gjitha institucionet arsimore pjesëmarrëse për bashkëpunimin dhe angazhimin e vazhdueshëm në rritjen e ndërgjegjësimit kundër dhunës në familje.

Kontrolloni gjithashtu

Publikohet agjenda e takimeve në fshatra dhe lagje të bashkësive lokale të kryetarit Lushtaku

Komuna e Skënderajt, ka publikuar agjendën e takimeve të kryetarit Sami Lushtaku në fshatra dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara