Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në moshën 87-vjeçare ka ndërruar jetë ish-senatori shumëvjeçar amerikan nga shteti i Indianës, Richard Lugar. Bashkë me John McCainin, Lugar ishte në pakicën republikane që përkrahu kryetarin amerikan, Bill Clinton, në fushatën e NATO-s, të udhëhequr prej tij, për intervenim kundër Serbisë, për të shpëtuar popullin e Kosovës në pranverë të vitit 1999. Për vdekjen e Lugar, ka shprehur ngushëllime edhe presidenti i Kosovës Hashim Thaçi. “Me pikëllim mora lajmin për vdekjen e ish-senatorit amerikan, Richard Lugar, mikut të madh të Kosovës. Ai bëri shumë për Kosovën, në ditët më të vështira për popullin tonë. Ishte një prej zërave më të mëdhenj pro intervenimit të NATO-s dhe një mbështetës i pavarësisë sonë. Do ta ruajmë përjetësisht kujtimin për të!”, ka shkruar presidenti i vendit Hashim Thaçi, në ngushëllimin e tij.
