Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Shqipëri fillon nga zbatimi programi i kredive të favorshme për familjet e reja të mjekëve, ushtarakëve dhe punonjësve të Policisë së Shtetit. I pranishëm në ceremoninë e organizuar me këtë rast, ishte kryeministri Edi Rama, i cili siguroi se “ky është vetëm fillimi i një rruge të re mbështetjeje afatgjatë për familjet e reja të atyre që i shërbejnë ditë-natë shtetit dhe qytetarëve të Republikës së Shqipërisë”. Kryeministri theksoi se ky program i dhënies së kredive për shtëpi për të gjithë ata që kanë familje të reja me të gjitha interesat e marra përsipër nga shteti e bën plotësisht të mundur që ata të marrin një kredi dhe të blejnë një shtëpi. Sot interesat bankare janë mbi 6%. Janë shumë për dikë që ka vetëm një pagë. Nuk është e lehtë për bankat ta japin këtë kredi duke pasur parasysh perspektivën ndërsa duke pasur kredi pa asnjë interes ndryshon tërësisht norma”, u shpreh Rama. Kryeministri siguroi se ky është program fitues për të gjithë ata që përfshihen. “Ne kishim 300 kuota këtë vit. Është hera e parë. Procesi ka pasur probleme të natyrës burokratike, por është vetëm fillimi. Ne dhe aplikantët do të mësojmë. Vitin e ardhshëm do të kemi mundësinë ta zgjerojmë numrin dhe të gjitha këto kategori të bëhen me shtëpinë e tyre”, tha Rama.
