Në Skenderaj u mbajt ceremonia e shpërndarjes së mjeteve bujqësore për gratë fermere

10/03/2026 Institucionet

Në komunën e Skënderajt të martën u organizua ceremonia e shpërndarjes së mjeteve bujqësore për gratë fermere përfituese nga projekti “Promovimi i Fuqizimit të Grave Rurale në Kosovë”, i zbatuar nga Organizata e Kombeve të Bashkuara për Ushqimin dhe Bujqësinë (FAO) në partneritet me UN Women dhe i financuar nga Agjencioni Austriak për Zhvillim (ADA).

Në këtë ceremoni morën pjesë Kryetari i Komunës, Sami Lushtaku, drejtori i Drejtorisë për Bujqësi, Pylltari dhe Zhvillim Rural, Sabit Ferizi, si dhe përfaqësuesi i Organizatës së Kombeve të Bashkuara për Ushqim dhe Bujqësi në Kosovë, Naser Krasniqi.

Në fjalët e tyre, Kryetari i Komunës Sami Lushtaku dhe përfaqësuesi i FAO-s, Naser Krasniqi theksuan rëndësinë e mbështetjes së grave në bujqësi dhe u zotuan për vazhdimin e bashkëpunimit edhe në të ardhmen, me synim zhvillimin e mëtejshëm të sektorit të bujqësisë dhe fuqizimin e grave në zonat rurale të komunës sonë.

Procesit të përzgjedhjes së përfitueseve i kanë paraprirë trajnimet për gratë aplikuese, të organizuara në kuadër të projektit, të cilat kanë synuar ngritjen e kapaciteteve dhe përgatitjen e tyre për zhvillimin e aktiviteteve bujqësore. Pas kësaj është zhvilluar edhe faza e vlerësimit dhe monitorimit në terren nga komisioni përkatës, me qëllim të përzgjedhjes sa më të drejtë të përfitueseve dhe identifikimit të nevojave të tyre.

Kontrolloni gjithashtu

Komuna e Ferizajt dhe KRM “Pastërtia” nënshkruajnë marrëveshje bashkëpunimi

Nënkryetari i Komunës së Ferizajt, Lulzim Aliu, së bashku me Drejtorin e Shërbimeve Publike, Alberton …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara