Në të gjitha shkollat e komunës së Skenderajt ka filluar viti i ri shkollor

01/09/2025 Institucionet

Në komunën e Skënderajt në të gjitha shkollat ka filluar viti i ri shkollor, për të gjithë nxënësit, që ndonëse më të rritur se një vit më parë, po e vazhdojnë rrugëtimin e dijes dhe ndërtimin e të ardhmes së tyre.

Kryetari i Komunës së Skënderajt, Fadil Nura dhe drejtori komunal për Arsim, Kastriot Duraku, kanë vizituar sot shkollat në qytet, ku kanë përcjellë nga afër fillimin e vitit të ri shkollor.

Kryetari Nura dhe drejtori Duraku, kanë uruar të gjithë nxënësit, mësimdhënësit, drejtoritë e shkollave, pedagogët dhe punëtorët teknik, me rastin e vitit të ri shkollor, duke iu dëshiruar suksese dhe arritje të reja.

“Me emocione, energji pas pushimeve verore dhe me ëndrra të reja, po nis sot edhe një vit i ri shkollor për nxënësit tanë, një fillim si mundësi për të mësuar, për të krijuar miqësi të reja, kujtime të bukura dhe për të ndërtuar të ardhmen!

Gëzuar dhe suksese secilit nxënës, mësimdhënës, pedagog dhe punëtor teknik”, ka shkruar në profilin e tij në facebook, kryetari i Skënderajt, z. Fadil Nura.

Kontrolloni gjithashtu

Mbledhja inauguruese e Kuvendit komunal të Skënderajt mbahet më 4 dhjetor 2025

Është thirrur seanca inauguruese nga Kryetari i zgjedhur i komunës së Skënderajt, z.Sami Lushtaku, e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara