Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zvarritja e krijimit të institucioneve të reja pas zgjedhjeve ka nxitur shqetësime serioze si brenda vendit ashtu edhe te partnerët ndërkombëtarë të Kosovës. Këtë javë janë intensifikuar përpjekjet për tejkalimin e ngërçit politik, me përfshirjen aktive të ambasadorëve të vendeve të QUINT-it, Presidentes Vjosa Osmani dhe Gjykatës Kushtetuese. Në fillim të javës, ambasadorët e QUINT-it janë takuar me kryeministrin në detyrë, Albin Kurti, duke i kërkuar formimin e menjëhershëm të institucioneve. Ambasadori britanik në Kosovë, Jonathan Hargreaves, deklaroi: Inkurajova formimin e një qeverie të re sa më shpejt për të vepruar në interes të Kosovës dhe popullit të saj, duke bërë përparim në çështje jetike si zhbllokimi i fondeve dhe integrimi euroatlantik. Presidentja e Kosovës, Vjosa Osmani, ka thirrur një seri takimesh me liderët e partive parlamentare për të diskutuar hapat e mundshëm për dalje nga kriza. Takimet do të nisin më 15 maj, fillimisht me liderët e partive shqiptare në ora 13:00, dhe më pas me përfaqësuesit e komuniteteve në ora 16:00. Situata aktuale ka filluar të sjellë pasoja politike dhe ekonomike për vendin, teksa vendimet kyçe po vonohen dhe perspektiva euroatlantike mund të rrezikohet nëse bllokada vazhdon.
