Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 27 maj 2025, në Akademinë e Mbrojtjes së Republikës së Kroacisë “Dr. Franjo Tuđman” në Zagreb, kanë diplomuar me sukses Kolonel Valdet Berisha dhe Major Shpëtim Ujkani nga Forca e Sigurisë së Kosovës, në “Kursin e Diplomacisë së Mbrojtjes”. Në këtë program, që përfshinte 20 oficerë nga katër shtete të rajonit, oficerët kosovarë shënuan rezultate të shkëlqyera, duke përfaqësuar Kosovën dhe FSK-në me dinjitet dhe profesionalizëm. Ky kurs synon përgatitjen e oficerëve të gradave Major dhe Kolonel për detyra në misione diplomatike, ushtarake ndërkombëtare dhe aktivitete protokollare. Përveç kësaj, në Kroaci kanë përfunduar me sukses edhe dy kurse të tjera: Në kursin “Vëzhgues Ushtarak i Kombeve të Bashkuara” morën pjesë Kapiten Ismail Sekiraqa dhe Toger Rron Rafuna. Në “Kursin Bazik të Inteligjencës” diplomuan Toger Korab Seferi dhe Nëntoger Mendim Muçiqi. Ky bashkëpunim me Forcat e Armatosura të Kroacisë, një shtet mik i Kosovës, po kontribuon në rritjen e kapaciteteve profesionale të FSK-së në fusha kyçe të zhvillimit ushtarak dhe diplomatik.
