Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli i Sigurimit i OKB-së pritet që gjatë muajit prill të prezantojë raportin e parë për këtë vit mbi situatën në Kosova, duke evidentuar zhvillimet politike, sfidat institucionale dhe tensionet që vazhdojnë të ndikojnë stabilitetin në rajon. Raporti do të prezantohet nga Përfaqësuesi Special i UNMIK, Peter Due, i cili do të paraqesë edhe vlerësimet e Sekretarit të Përgjithshëm të OKB. Sipas dokumentit, nuk është shënuar progres domethënës në dialogun e ndërmjetësuar nga Bashkimi Evropian për normalizimin e marrëdhënieve ndërmjet Kosovës dhe Serbia, duke lënë të hapura çështjet kyçe që ndikojnë në stabilitetin afatgjatë. Në planin e brendshëm, raporti thekson vonesat politike pas zgjedhjeve dhe dështimin e institucioneve për të zgjedhur presidentin brenda afatit kushtetues, duke krijuar paqartësi dhe tensione të reja politike. Diskutimet në Këshillin e Sigurimit pritet të fokusohen në mënyrat për të mbështetur dialogun dhe për të ulur tensionet, veçanërisht në veri të Kosovës, duke theksuar rëndësinë e përfshirjes së të gjitha komuniteteve, përfshirë atë serb. Raporti gjithashtu nxjerr në pah ndarjet e thella mes anëtarëve të përhershëm të Këshillit, ku Franca, Mbretëria e Bashkuar dhe Shtetet e Bashkuara të Amerikës mbështesin pavarësinë e Kosovës, ndërsa Kina dhe Rusia vazhdojnë të qëndrojnë në krah të Serbisë.
