Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përdorimi i armëve perëndimore për të goditur objektivat në Rusi nga Ukraina, nuk do të kontribuojë në përshkallëzimin e luftës”, ka thënë kancelari gjerman Olaf Scholz. Gjermania ka kundërshtuar prej kohësh heqjen e ndalimit të përdorimit të armëve perëndimore nga Ukraina për të goditur Rusinë, por ndryshoi kurs muajin e kaluar. Një zëdhënës i qeverisë gjermane i tha Dojçe-Welle-s më 31 maj se Ukraina mund të përdorë armë të furnizuara nga Gjermania për të goditur objektiva legjitime në Rusi. Ministri gjerman i mbrojtjes, Boris Pistorius, sqaroi se vendimi zbatohej për zonën përreth Harkovit, e cila kohët e fundit është bërë objektivi i një ofensive të rëndë ruse. Ne jemi të sigurt se nuk do të kontribuojë në një përshkallëzim, sepse, siç e ka përshkruar edhe Joe Biden, është vetëm çështja e të qenit në gjendje të mbrosh një qytet të madh si Harkov”, tha Scholz. Në të kaluarën, kancelari Scholz ka përmendur frikën e përshkallëzimit si ndër arsyet kryesore për kufizimin e mbështetjes së Gjermanisë për Ukrainën. Unë mendoj se është e qartë për të gjithë se kjo duhet të jetë e mundur, pasi sipas ligjit ndërkombëtar, kjo ka qenë gjithmonë e mundur, saktësoi kancelari gjerman, Olaf Scholz.
