Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në takimin e mbajtur mbrëmë të opozitës kryetari i AAK-së, Ramush Haradinaj, ka thënë se veprimi për t’u arrestuar Albin Kurtin nuk ka qenë i drejtë. “Opozita qëndron e bashkuar dhe e fortë. Më 28 Nëntor në Prishtinë ka ndodhur një ngjarje jo e mirë jo e drejtë. Janë sulmuar zyrat e një partie opozitare. Kushdo që pajtohet me këto fakte e ka gabim. Para kësaj kemi pasur një tjetër ngjarje ku kemi pasur manifestimin me një pjesëmarrje të madhe nga të gjitha trevat. Opozita është e bashkuar dhe e fortë. Qeveria për hakmarrje reagoi”, ka theksuar Haradinaj. Ndërkohë kryetari i Vetëvendosjes, Visar Ymeri ka thënë se Marrëveshjet janë anuluar nga qytetarët. “Kjo qeveri e ka të pa mundur t’i zbatoj marrëveshjet. Tashmë qytetarët i kanë shpallë të pavlefshme dhe është fitore e jona”, ka theksuar Ymeri. Kryetari i NISMA-s, Fatmir Limaj ka deklaruar se pushteti duke parë masën e madhe të qytetarëve dhe nga tmerri u kthye në regjim policor.
Liderët e partive opozitare deklaruan se nesër do të dalin me komunikatë për ngjarjet e fundit, kurse nuk pranuan pyetje nga gazetarët.
