Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Kuvendin Komunal të Prishtinës po thellohet përplasja politike për miratimin e buxhetit të vitit 2026. Grupet e LDK-së, AAK-së, AKR-së, Nismës dhe Lëvizjes Bashkohu i kanë kërkuar kryesuesit të Kuvendit, Fehmi Kupina, që të enjten në ora 15:00 të thërrasë një mbledhje të jashtëzakonshme për shqyrtimin dhe miratimin e buxhetit komunal. Kërkesa, e nënshkruar nga 19 asamblistë, vjen pas dështimit të seancës së 24 shtatorit për shkak të mungesës së kuorumit. Në këtë nismë nuk janë përfshirë përfaqësuesit e PDK-së dhe Lëvizjes Vetëvendosje, që kanë kundërshtuar mënyrën si është hartuar projektbuxheti. Vetëvendosje ka akuzuar administratën komunale për mungesë të transparencës dhe përjashtim të opozitës nga konsultimet. Buxheti i vitit 2026 pritet të përcaktojë financimin e projekteve kryesore të infrastrukturës, shërbimeve publike dhe arsimit në kryeqytet, ndërkohë që tensionet politike po e rrezikojnë miratimin e tij në afat ligjor.
