Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i PDK-së, Xhavit Haliti, ka vlerësuar se ngërçi institucional në Kosovë, me 38 dështime për konstituimin e Kuvendit, është pasojë e kalkulimeve politike të partive dhe lidershipit të tyre. Ai tha se bllokada nuk lidhet vetëm me emrin e Albulena Haxhiut si kryetare e Kuvendit, por me prapaskenat për formimin e qeverisë së re. Haliti theksoi se është e pakuptimtë që të thuhet se ka vota për qeverinë, por jo për Kuvendin. Sipas tij, partitë janë duke fituar kohë për pazare rreth kryeministrit të ardhshëm dhe se situata aktuale i konvenon të dyja palëve: opozita pret që VV-ja të dobësohet, ndërsa kjo e fundit të konsolidojë fuqinë. Ai kërkoi që të votohet kryetari i Kuvendit, të hapet procesi dhe të testohet realisht nëse ekziston shumica për qeveri. Nëse jo, atëherë – sipas Halitit – duhet shkuar në zgjedhje të reja, me presidenten që merr hapin vendimtar.
